Da heul embannadenn va fennad a-ziagent “Des chansons bretonnes enregistrées au Canada dans les années 1950 mises en ligne” em eus bet tro da gaozeal gant Gireg Konan, ezel eus ar familh Konan bet enrollet gant Sam Gesser e 1957. Yaouank flamm e oa Gireg Konan d’ar c’houlz-se met soñj en deus eus an nozvezhiad enrollañ-mañ.

E 1957 e oa Gireg Konan oadet a c’hwec’h vloaz nemetken. “Bugel e oan, met soñj m’eus mat eus an nozvezh se, goude koan” emezañ. Roet e oa bet dezhañ c’hoarielloù e keit ma oa e dad Jakez Konan (47 bloaz), e daou vreur Herve (17 bl.) hag Ewan (21 bl.), hag e c’hoar Ivona (23 bl.) o kanañ hag o seniñ dirak mikroioù Sam Gesser. “Labourat a rae buan buan, ne oa ket un daol veskañ gantañ. Daou vikro ha mat ar jeu !” en deus displeget din Gireg Konan, chomet war e spered eñvorennoù eus an nozvezhiad-se. “Evidon me bugel, e pade pell pell met en gwirionez eo bet buan tre.”
Continuer la lecture de Resisadurioù diwar-benn enrolladennoù ar familh Konan e Kanada